بجلی کی عدم دستیابی کے سبب عوام پریشان

ضلع کپواڑہ کے ہندوارہ قصبے میں برری پورہ کی بجلی لائین ہندوارہ ٹاون سے کاٹ کر عشپورہ پورہ لائین سے جوڑا گیا جس سے بری پورہ اکثر بجلی سے محروم ہو رہا ہے۔

اس ناانصافی کے خلاف برری پورہ کے لوگوں نے سخت ناراضگی کا اظہار کرتے ہوئے کولنگام ہندوارہ شاہراہ پر محکمہ بجلی کے خلاف ذبردست احتجاج کیا۔

احتجاج کے دوران ٹریفک کی نقل حمل گھنٹوں تک متاثر ہوئی ۔

اسی کے دوران جام میں پھسا نیشنل کانفرنس کے سینئر لیڈر چودھری محمد رمضان بھی درماندہ ہوکر رہ گیے۔

پولیس کی ایک ٹیم جائے واقع پر پہنچ گئی اور احتجاجیوں کو یقین دلایا کہ اگلے دو دن کے اندر اندر آپ کی لائین پھر سے ٹاون کے ساتھ جوڑ دی جائے گی۔

اس سلسلے میں جب نمائندے نے بجلی کے ایگزن سے بات کی تو انہوں کہا کہ اسٹیشن کا ٹرانسفارمر ایک ہفتے پہلے خراب ہوا تھا جس کی وجہ سے بجلی سپلائی میں خلل پڑ گیا۔