پاکستان میں گیس اور بجلی کی شرحوں میں بھاری اضافہ

حکومت پاکستان نے بین الاقوامی مالیاتی فنڈ سے ملنے والے چھ ارب ڈالر کی شرائط کو پورا کرنے کے تحت گیس کی قیمت میں 190 فیصد تک اور بجلی کی شرحوں میں ڈیڑھ روپے فی یونٹ اضافہ کرنے کی منظوری دے دی ہے۔

حکومت کے اس قدم سے مہنگائی سے دوچار پاکستان عوام کی مشکلات مزید بڑھنے والی ہے۔ یہ اضافہ آئی ایم ایف کی بقیہ دو بڑی شرائط کو پورا کرنے کے لئے کیا گیا ہے۔
گیس اور بجلی کی شرحوں میں اضافہ سے صارفین پر 334 ارب روپے کا اضافی بوجھ پڑے گا۔ دی ٹربیون کے مطابق کابینہ کی اقتصادی رابطہ کمیٹی کی جانب سے بدھ کو لیا، یہ فیصلہ یکم جولائی سے نافذ ہوگا۔ آئی ایم ایف کے ایگزیکٹو بورڈ نے اگلے بدھ کو میٹنگ بلائی ہے، جس میں پاکستان کے چھ ارب ڈالر کے بیل آؤٹ پیکیج کو منظوری دی جائے گی۔
رواں مالی برس میں یہ دوسرا موقع ہے، جب عمران خان کی قیادت والی پاکستان تحریک انصاف پارٹی نے گیس اور بجلی کی شرحوں میں اضافہ کرنے کا فیصلہ کیا ہے۔ اس اضافہ کا زیادہ سے زیادہ بوجھ درمیانے اور اعلی آمدنی والے طبقے کے لوگوں پر ڈالا گیا ہے۔