عمران خان نے پاکستانی ٹیم کو بھارت کے خلاف ایسا کرنے سے منع کر دیا

سرفراز خان کی قیادت والی پاکستانی ٹیم سابق کپتان مہندر سنگھ دھونی کے انڈین فوجی یونٹ کے نشان والے گلوز پہننے کے جواب میں کچھ الگ کرنا چاہتی تھی۔

پاکستانی وزیراعظم عمران خان نے پاکستانی کرکٹ ٹیم ہدایت دی ہے کہ عالمی کپ میں پاکستان اور بھارت کے مابین ہونے والے مقابلے میں پاکستانی ٹیم اپنے کھیل سے سروکار رکھیں۔

مہندر سنگھ دھونی کے دستانے پہننے کے معاملے کے دوران یہ بات سامنے آئی ہے کہ پاکستان اور بھارت کے مابین ہونے مقابلے میں پاکستان دھونی کے دستانے پہننے کا جواب الگ طرح سے جشن مناکر دینا چاہتا ہے۔

پاکستان کرکٹ بورڈ کے ایک ذمہ دار کے مطابق، ' عمران خان نے واضح طور پر کہا ہے کہ ٹیم کھیل کو کھیل کی طرح دیکھے اور سیاسی رسہ کشی کا شکار نہ ہو۔ انہوں نے واضح کیا کہ کھیل کو سیاست سے پاک رکھا جائے۔ اور بھارت نے جو کیا ہے اسے نہ دہرایا جائے'۔

سرفراز خان کی قیادت والی پاکستانی ٹیم سابق کپتان مہندر سنگھ دھونی کے انڈین فوجی یونٹ کے نشان والے گلوز پہننے کے جواب میں کچھ الگ طرح سے جشن منانا چاہتی تھی۔

حالانکہ آئی سی سی نے بی سی سی آئی کو ای میل کے ذریعے کہا ہے کہ دھونی اس علامت کے ساتھ دستانوں کو نہیں پہن سکتے۔ اور انہیں آگے ایسا کرنے سے باز آنے کو کہا ہے۔

آئی سی سی کے اصول و ضوابط کے مطابق کھلاڑی کمرشیئل، مذہبی اور فوجی نشانات جیسے لوگو کا استعمال نہیں کر سکتے۔ جیسا کہ ہم سب جانتے ہیں اس میں مذہبی یا کمرشیل جیسا کچھ بھی نہیں ہے۔'

اس سے قبل عمران خان کی کابینہ میں سائنس اور ٹیکنالوجی کے وزیر فواد چودھری نے بھارتی میڈیا پر تنقید کرتے ہوئے کہا کہ اس سلسلے میں لایعنی بحث کی جارہی ہے۔

انہوں نے کہا کہ کھیل کے دوران عسکری نشان کا استعمال درست نہیں ہے اور کھیل کو سیاست سے دور رکھنا چاہیے۔