اپوزیشن جماعتوں کے نمائندے الیکشن کمیشن کے دفتر پہنچ کر ای وی ایم میں درپیش گڑ بڑی اور وی وی پیٹ کی نااہلیت کی شکایت کی۔
ای وی ایم کے ساتھ چھیڑ چھاڑ اور وی وی پیٹ کی کم اہلیت کی شکایت ایک بار پھر سے الیکشن کمیشن میں درج کرائی گئی۔
اپوزیشن پارٹی نے الیکشن کمیشن کے سامنے ایک بڑا مطالبہ رکھا ہے جس میں اپوزیشن پارٹیوں کا کہنا ہے کہ اگر پانچ فیصد وی وی پیٹ اور ای وی ایم کی گنتی میں فرق نکلتا ہے تو پھر پورے سو فیصد وی وی پیٹ کی گنتی کی جائے گی۔
اپوزیشن پارٹیوں کی اس مطالبے پر الیکشن کمیشن نے ابھی کوئی جواب نہیں دیا ہے۔
الیکشن کمیشن سے ملنے گئے اپوزیشن پارٹیوں کے وفد میں شامل 'انڈین مسلم لیگ' کے ترجمان خرم انیس نے بتایا کہ ہم اپنی شکایتیں الیکشن کمیشن کے سامنے رکھی ہیں جس میں سب سے اہم ای وی ایم کے ساتھ کھلواڑ ہے، ای وی ایم کے ساتھ چھیڑ چھاڑ کی شکایت مسلسل سامنے آرہی ہیں۔
انڈین مسلم لیگ کے ترجمان خرم انیس نے بتایا کہ ہماری جانب سے ثبوت کے طور پر ویڈیوز بھی پیش کیے گئے ہیں جس میں کھلے طور پر دیکھا جا سکتا ہے کہ ای وی ایم کو ناجائز طریقے سے منتقل کیا جارہا ہے یا کسی کے گھر میں رکھا جا رہا ہے۔