بم بنانے کے دورن دھماکہ

بھاٹ پاڑہ میں بم بنانے کے دوران دھماکے میں ایک شخص ہلاک ہوگیا جبکہ دوسرا شخص شدید طور پر زخمی ہوگیا۔

بیرکپور کے بھاٹ پاڑہ اسمبلی حلقے میں گزشتہ کئی دنوں سے جاری سیاسی کشیدگی کے درمیان جگتدل تھانہ علاقے کے ایک مکان میں بم بنانے کے دوران دھماکہ ہوگیا جس میں ایک شخص کی موت ہوگئی جبکہ دوسرا شخص شدید طور پر زخمی ہو گئے۔

پولیس نے جائے وقوع پر پہنچ کر حالات کا جائزہ لیا۔پولیس کا کہنا ہے کہ دیسی بم بنانے کے دوران اچانک دھماکے میں ایک شخص کی موت ہوگئی ہے۔زخمی شخص کو گول گھر اسٹیٹ جنرل اسپتال میں داخل کرایا گیا ہے جہاں اس کی حالات نازک بتا ئی گئی ہے ۔

پولیس نے مزیدکہاکہ مکان سے دھماکہ خیز مواد برآمد کیا گیاہے۔ اس کیس کی تفتیش جاری ہے۔ اب تک21 لوگوں کی گرفتاری عمل میں آ چکی ہے۔
واضح رہے کہ پہلے پارلیمانی انتخابات اور ضمنی انتخابات کے بعد بھاٹ پاڑہ میں ترنمول کانگریس اور بی جے پی کے حامیوں کے درمیان جھڑپوں کا سلسلہ جاری ہے۔