گلف ریجن میں جاری کشیدگی کی وجہ سے پٹرول کی قیمتوں میں 96 سینٹ کا اضافہ ہوا جبکہ فی بیرل کی قیمت 73.17 ہوگئی جو 26 اپریل کے بعد سب سے زیادہ قیمت ہے۔
امریکا کی ویسٹ ٹکساس انٹرمیڈیٹ میں تیل کی قیمت 82 سینٹ اضافہ کے بعد 63.58 ڈالر فی بیرل ہوگئی۔
اسی دوران سعودی عرب کے وزیر خالد الفالح نے کہا کہ اوپیک اور تیل کمپنیوں کی باہمی رضامندی کے بعد تیل کی پیداوار میں کمی کا فیصلہ کیا گیا۔
وہیں یو اے ای کے وزیر توانائی سہیل المضروی نے کہا کہ مارکیٹ کے لحاظ سے تیل کی پیداوار مناسب انداز میں جاری ہے۔ انہوں نے پیداوار میں کمی کی مخالفت کی۔
ڈونالڈ ٹرمپ نے ایران کو دھمکی دیتے ہوئے کہا ہے کہ اگر جنگ ہوتی ہے تو ایران کو پوری طرح تباہ کردیا جائے گا جبکہ سعودی عرب کا کہنا ہے کہ وہ ہر طرح کے حالات سے نمٹنے کےلیے پوری طرح تیار ہے۔
دوسری جانب ایک ہفتہ قبل سعودی آئل تنصیبات پر حوثی باغیوں کی جانب سے حملے کئے گئے تھے اور آج بغداد میں امریکی سفارتخانہ کے قریب دھماکے کئے گئے۔
