شراب پینے سے متعدد افراد ہلاک

اترپردیش کے بارہ بنکی، رانی گنج علاقہ میں شراب پینے سے ہوئی ہلاکتوں کی تصدیق کئی گھنٹے گزرنے کے بعد ابھی تک نہیں ہوپائی.

مقامی افراد بارہ ہلاکتوں کا دعوی کر رہے ہیں، جبکہ انتظامیہ پانچ ہلاکتیں بتارہا ہے.
صبح 10 بجے سے لیکر تقریباً 12 بجے تک ایک درجن سے زائد مریضوں کو بارہ بنکی ضلع ہسپتال کے ٹراما سینٹر سے لکھنو بھیجا جا چکا ہے.
دوسری جانب شراب متاثرین کے آنے کا سلسلہ ضلع ہسپتال میں ابھی بھی جاری ہے.
بتایا گیا کہ اس معاملہ میں اب تک 12 ملازمین معطل ہو چکے ہیں.
دوسری جانب حکمراں جماعت کے رہنماوں کے لئے یہ معاملہ گلے کی ہڈی بن گیا ہے، رہنما اس کا جواب نہیں دے پارہے ہیں۔
حکومت کی جانب سے اس واقعہ کے متاثرین کے لیے کسی طرح کے معاوضہ کا اعلان نہیں کیا گیا ہے۔