این آر سی معاملہ بی جے پی کو لے ڈوبے گا: ممتا بنرجی

مغربی بنگال کے سلی گوڑی پارلیمانی حلقے میں انتخابی جلسے کو خطاب کر تے ہوئے ریاست کی وزیراعلیٰ ممتا بنرجی نے کہا کہ این آر سی کا شوشہ چھوڑ کر جس طرح کی پیچیدگی پیدا کی گئی ہے وہ مودی حکومت کو لے ڈوبے گی ۔

ترنمول کانگریس کی سربراہ ممتا بنرجی نے کہاکہ نریندر مودی حکومت کے پاس کوئی ترقیاتی منصوبہ نہیں ہے۔ این آر سی معاملہ، جی ایس ٹی اور اقلیتیوں کے خلاف جارحانہ پالیسی نریندر مودی حکومت کے خاتمے کےلیے کا فی ہے۔

مودی حکومت کو ختم کرنے کے لیے عوام کو بیدار رہنے کی ضرورت ہے۔ انہوں نے کہا کہ مغر بی بنگال حکومت پہاڑی لوگوں کی ترقی کےلیے ہر ممکن کوشش کر رہی ہے۔ پہاڑ کے اطراف میں بسنے والے لوگوں کو مقامی باشندوں کو ترجیح دینی چا ہئے۔ باہر سے آ نے والے لوگ انکی ترقی نہیں کر سکتے۔

مغر بی بنگال حکومت کے پاس انکی ترقی کے لیے درجنوں منصوبے ہیں۔ عوام کو آ گے آ نے کی ضرورت ہے۔