دہلی کی جیلوں میں ہندو بھی روزہ رکھتے ہیں

تہاڑ جیل انتظامیہ نے بتایا کہ دہلی کی جیلوں میں ہزاروں ایسے قیدی ہیں، جو رمضان المبارک کے پیش نظر روزے کا اہتمام کرتے ہیں۔

دارالحکومت دہلی کی تہاڑ جیل انتظامیہ نے بتایا کہ سینٹرل جیل میں قید 16665 قیدیوں میں سے 2658 قیدی روزہ رکھتے ہیں۔

دہلی کی جیلوں میں 100 سے زائد ہندو قیدی مسلم قیدیوں کے ساتھ رمضان المبارک کے دوران روزے رکھ رہے ہیں۔

تہاڑ جیل انتظامیہ کے مطابق 31 ہندو خواتین قیدی اور 12 ہندو نوجوان قیدی رمضان کے مہینے میں روزے رکھ رہے ہیں۔

جیل حکام کے مطابق 'سحری' اور دیگر نماز کو دیکھتے ہوئے مقررہ خوراک کی دستیابی کو یقینی بنانے کے لیے 'لنگر' کے وقت میں تبدیلی کی گئی ہے۔

حکام نے بتایا کہ قیدیوں کی جیل کینٹین میں روح افزا، کھجور اور تازہ پھلوں کا ذخیرہ ہے، جسے قیدی خرید سکتے ہیں، تمام مرکزی جیلوں میں 'روزہ افطار' كے بھی جیل انتظامیہ کی جانب کیے گئے ہیں۔

انتظامیہ کا کہنا ہے کہ مذہبی اور خیراتی تنظیموں کو جیل کے اندر قیدیوں کے ساتھ نماز اور 'روزہ افطار' کے اہتمام کرنے کی بھی اجازت دی گئی ہے۔