نوئیڈا: عام آدمی پارٹی کی رکنیت سازی مہم

نوئیڈا میں عام آدمی پارٹی کی زور و شور سے رکنیت سازی کی مہم جاری ہے۔

اترپردیش کے نوئیڈا میں عام آدمی کو مضبوط کرنے کےلیے مہم کا آغاز کیا گیا جس کے تحت وسیع پیمانہ پر رکنیت سازی مہم چلائی جارہی ہے۔

ضلع گوتم بودھ نگر میں عاپ خواتین سیل کی ضلعی صدر پریتی اپادھیائے نے آج سیکٹر 49 کے دفتر میں خواتین کی رکنیت سازی مہم چلائی۔ اس موقع پر تمام افراد نے ماسک کا استعمال کیا اور سماجی فاصلہ برقرار رکھا۔

مہم کے دوران سماجی فاصلہ پر برقرار رکھتے ہوئے سماجی کارکن گیتا چھیتری سورناکر اور پریتی ناگر کو پارٹی میں شامل کیا گیا۔ اس موقع پر پریتی اپادھیائے صدر ضلع گوتم بدھ نگر نے کہا کہ عام آدمی پارٹی کی ویمن ونگ کو مضبوط بنانے کے لیے مسلسل جدوجہد کرنے کی اپیل کی۔ رکنیت مہم کے دوران کمل ماوی، راجیش اپادھیائے،شیلندر پنڈیر، انیتا چودھری، پوجا شرما، سمیت چوہان و دیگر موجود تھے۔