تلنگانہ میں گرمی کی لہر

ریاست تلنگانہ میں محکمہ موسمیات نے آگاہ کیا ہے کہ آئندہ 48گھنٹوں کے دوران ریاست کے مختلف علاقوں میں گرمی کی شدید ترین لہر اور گرم ہوائیں چلنے کا امکان ہے۔

تلنگانہ کے ان اضلاع نرمل،عادل آباد، کومرم بھیم آصف آباد، منچریال،نظام آباد، کاماریڈی،پداپلی،جگتیال،کریم نگر،راجناسرسلہ،جئے شنکر بھوپال پلی،بھدردری کوتہ گوڑم، اور کھمم کے بعض حصوں میں گرمی کی لہر کی برقراری کا امکان ہے۔
تلنگانہ میں اعظم ترین درجہ حرارت 45.3ڈگری سلسیس ضلع عادل آباد میں درج کیاگیا۔حیدرآباد میں اعظم ترین اور اقل ترین درجہ حرارت تقریبا بالترتیب41اور28ڈگری سلسیس درج کیاگیا۔