امت شاہ نے سادھوی پرگیہ کی امیدواری کا دفاع کیا

بی جے پی صدر امت شاہ نے آج سادھوی پرگیہ ٹھاکر کو بھوپال پارلیمانی نشست سے امیدوار بنائے جانے کی مدافعت کی۔

شاہ نے کہا کہ مالیگاؤں دھماکہ کیس کے سلسلہ میں پرگیہ ٹھاکر پر لگائے گئے الزامات بے بنیاد ہیں۔

سادھوی پرگیہ ٹھاکر مالیگاؤں بم دھماکہ کیس میں بیل پر ہیں اور انہوں نے بھوپال پارلیمانی نشست کےلیے بی جے پی امیدوار کے طور پر پرچہ نامزدگی داخل کی ہے۔

پریس کانفرنس سے خطاب کرتے ہوئے بی جے پی صدر نے کہا کہ سادھوی کو بی جے پی امیدوار بنانے کا فیصلہ صحیح ہے۔

انہوں نے سوال کیا کہ دھماکہ کے اصل ملزمین کو کیوں چھوڑ دیا گیا اور وہ کیوں آج آزاد گھوم رہے ہیں۔