ذاکر نایک کے خلاف ریڈ کارنر نوٹس کا امکان

انفورسمنٹ ڈائرکٹوریٹ بہت جلد ذاکر نایک کے خلاف ریڈ نوٹس جاری کرنے کی انٹرپول سے گذارش کرے گا۔

ممبئی اسپیشل کورٹ کی جانب سے ملائشیا میں موجود اسلامی مبلغ ذاکر نایک کو غیرضمانتی وارنٹ جاری کرنے کے بعد ای ڈی نے ان کے خلاف ریڈ نوٹس جاری کرنے کا انٹرپول سے مطالبہ کرے گا۔

ای ڈی نے 2 مئی کو استغاثہ کی ایک شکایت خصوصی عدالت میں ذاکر نایک کے خلاف داخل کی تھی جس کے بموجب انہوں نے 193 کروڑ روپئے کی رقم غیرقانونی طور پر منتقل کی تھی۔

خصوصی عدالت میں ایجنسی کی جانب سے ذاکر نایک اور دوسروں کے خلاف منی لانڈرنگ ایکٹ کے تحت جارج شیٹ داخل کی گئی تھی۔ اس کیس کی آئندہ سماعت 19 جون کو ہوگی جس میں امکان ہے کہ ذاکر نائک کے خلاف وارنٹ جاری ہوسکتا ہے۔

عدالت کی جانب سے جاری ہونے والے وارنٹ کی بنیاد پر ای ڈی انٹرپول سے رجوع ہوگی اور ریڈ نوٹس جاری کرنے کا مطالبہ کریگی۔ ملائشیا اور بھارت کے درمیان 2010 میں ہوئے معاہدہ کی رو سے ملائشیا ذاکر نایک کو بھارت کے حوالہ کرنے کا پابند ہے۔

ای ڈی نے کہا تھا کہ ذاکر نایک کے معلوم ذرائع آمدنی اتنے نہیں ہیں کہ وہ اپنے بینک کھاتوں میں جو بھارت میں ہیں 49 کروڑ روپئے جمع کرواسکیں۔

ای ڈی کے مطابق ملک و بیروم ممالک میں ذاکر نایک کے اثاثوں کی قیمت 193 کروڑ سے زیادہ ہے۔