کیا جیٹ ایئرویز کو مشکلات سے چھٹکارا ملے گا؟

جیٹ ایئرویز کے سرمایہ کاروں اور ملازمین کو یہ جاننے کےلیے کچھ اور دن انتظار کرنا پڑے گا کہ جیٹ کے مستقبل پر اتحاد ایئرویز نے کن شراط کے ساتھ بولی لگائی ہے۔

اتحاد ایئرویز نے جیٹ ایئرویز میں سرمایہ کاری کی خواہش ظاہر کی ہے لیکن صد فیصد سرمایہ کاری سے ایئرلائنس نے انکار کردیا ہے۔ وہیں اتحاد نے یہ بھی واضح کردیا کہ سرمایہ کاری کے لیے دوسرے پارٹنر کی تلاش اس کی ذمے داری نہیں ہے بلکہ بنکوں کو اس ضمن میں کاروائی کرنی چاہئے۔

مالیاتی بحران کی وجہ سے فی الحال جیٹ ایئرویز اپنی خدمات بند کر چکی ہیں جبکہ مالیاتی بحران کی وجہ سے خدمات ٹھپ کر چکی پرائیویٹ فضائی کمپنی جیٹ ایئر ویز کو قرض دینے والے بینکوں نے اس کا حصہ فروخت کرنے کا عمل شروع کیا ہے۔

اسٹیٹ بینک آف انڈیا کی قیادت میں آٹھ بینکوں کے کنسورٹیم نے جیٹ ایئر ویز میں 75 فیصد حصہ داری فروخت کے لئے بولی کا عمل شروع کیا ہے جبکہ بولی عمل 12 مئی تک مکمل ہونے کی امید ہے۔