کنہیا کی انتخابی ریلی سے شبانہ اعظمی کا خطاب

بالی وڈ اداکارہ لکا کہنا تھا کہ بی جے پی بہت جلد بے نقاب ہوجائے گی کیونکہ عوام کو سمجھ میں آگیا ہے کہ پارٹی کی جانب سے کئے گئے تمام وعدے صرف جملے تھے۔

بیگوسرائے میں سی پی آئی امیدوار کنہیا کمار کی انتخابی ریلی سے خطاب کرتے ہوئے شبانہ اعظمی نے گری راج سنگھ کو تنقید کا نشانہ بنایا۔ انہوں نے کہا کہ بہت جلد بی جے پی بے نقاب ہوجائے گی کیونکہ عوام کو سمجھ میں آگیا ہے کہ پارٹی کی جانب سے کئے گئے تمام وعدے صرف جملے تھے۔ اس لئے اب بی جے پی اپنے پرانے حربے استعمال کرتے ہوئے ہندوؤں کو مسلمانوں کے خلاف بھڑکانے کی کوشش کر رہی ہے۔

نیشنل انعام یافتہ و سماجی جہد کار کی حیثیت سے مشہور شبانہ نے اپنے والد کیفی اعظمی کے کمیونسٹ پارٹی سے رشتوں کو یاد کیا۔ انہوں نے کہا کہ مودی حکومت نے جے این یو طلبا یونین کے سابق صدر کنہیا کمار کو جھوٹے الزامات میں پھنسایا ہے۔

ساوتھ فلموں کے مشہور اداکار پرکاش راج نے بھی کنہیا کمار کی انتخابی مہم میں حصہ لیا۔ انہوں نے وزیراعظم نریندر ودی پر تنقید کرتے ہوئے کہا کہ وہ تعلیم اور روزگار سے زیادہ گائے کے عنوان پر بولتے ہیں۔

پرکاش راج اور شبانہ اعظمی نے عوام سے اپیل کی کہ چوتھے مرحلہ کے تحت 29 اپریل کو ہونے والے لوک سبھا انتخابات میں کنہیا کے حق میں اپنے ووٹ کا استعمال کریں۔