ممبئی کے بھیونڈی میں بھیانک آتشزدگی

بھارتی ریاست مہاراشٹر کے دارالحکومت ممبئی سے متصل ایشیا کے سب سے بڑے ویر ہاؤس علاقے بھیونڈی تعلقہ کے کالہیر علاقے میں ایک آج صبح بھیانک ٓتشزدگی ہو ئی۔

کلہر علاقہ کے جئے ماتا دی کمپاونڈ میں واقع برش بنانے والی فیکٹری میں پیر کی صبح زبردست آتشزدگی کے بعد متعدد فائر انجن جائے واقعہ پر پہنچ گئے۔ فائر سرویس عملہ کو آگ پر قابو پانے کےلئے کافی مشقت کرنی پڑی۔

جس وقت یہ آگ لگی اس وقت کمپنی بڑی مقدار میں آئل پینٹ اور برش رکھے ہوئے تھے۔
بھیونڈی کلیان اور تھانے کے فائر بریگیڈ اہلکار اس آگ پر قابو پانے کی مشقت کر رہے ہیں۔ مگر پینٹ اور برش ہونے کے سبب آگ قابو سے باہر ہے۔
اس آتشزدگی میں کسی بھی جانی نقصان کی اطلاع نہیں ہے
مگر لاکھوں مالیت کے پینٹ اور دیگر سامان جل کر خاکستر ہوگئے ہیں۔