'جموں کشمیر بینک کے خلاف کارروائی صحیح قدم'

حالیہ منعقدہ پارلیمانی انتخابات میں بارہمولہ سے کامیاب ہونے والے نیشنل کانفرنس کے سینیئر رہنما محمد اکبر لون نے ضلع افسران کے ساتھ ایک جائزہ اجلاس طلب کیا۔

اجلاس میں شمالی کشمیر کے تینوں اضلاع میں ہو رہے تعمیراتی کاموں اور آئندہ منصوبوں سے متعلق افسران سے معلومات حاصل کی گئی، اور رُکے پڑے کاموں کو جلد سے جلد مکمل کرنے پر زور دیا گیا۔

اجلاس کے بعد محمد اکبر لون نے ذرائع ابلاغ کے نمائندوں سے بات کرتے ہوئے جموں کشمیر بینک کے خلاف حالیہ کارروائی کی ستائش کی۔

انہوں نے کہا کہ ’’اگر بینک کا پیسہ کہیں غلط استعمال ہو رہا ہے، اور بدعنوانیوں کے خلاف کارروائی ہوتی ہے، تو یہ نہایت ہی خوش آئند اقدام ہے‘‘۔