ایگزٹ پول پر مکمل طور سے اعتبار کرنا درست نہیں ہوگا۔ یہ صرف ایک رحجان بھر ہے۔ لیکن اس سے یہ اندازہ ضرور لگایا جا سکتا ہے کہ اقتدار کی چابی کسے مل سکتی ہے۔
ٹائمز ناؤ-وی ایم آر ایگزٹ پول میں این ڈی اے کو 306 نشستوں پر کامیاب بتایا جارہا ہے۔ جبکہ کانگریس کو 132 نشستیں حاصل ہوسکتی ہیں۔ اور دیگر علاقائی پارٹیوں کے حصے میں 104 نشستیں آ سکتی ہیں۔
اس بنیاد پر اگر ووٹوں کی شرح کی بات کریں تو این ڈی اے کو 41.1 فیصد ووٹ ملنے کا اندازہ لگایا جا رہا ہے۔ جبکہ یو پی اے کو 31.7 فیصدی ووٹ ملے ہیں۔ وہیں 27.2 فیصدی ووٹ دیگر کے حصے میں جاتے دکھائی دے رہے ہیں۔
اسی طرح سی-ووٹر نے ایگزٹ پول میں مرکز میں برسراقتدار این ڈی اے کو واضح اکثریت سے کامیاب بتایا ہے۔ سی-ووٹر کے مطابق این ڈی اے کو 287 اور یو پی اے کو 128 سیٹوں پر کامیابی مل سکتی ہے۔ جبکہ دیگر پارٹیوں کو 127 سیٹوں پر کامیاب بتایا جا رہا ہے۔