پولیس اور نکسلیوں کے مابین تصادم، زخمی نکسلی گرفتار -

بہارمیں ویشالی ضلع کے مہنا رتھا نہ علاقہ میں آج صبح پولیس اور نکسلیوں کے مابین تصادم میں ایک نکسلی زخمی ہوگیا جسے پولیس نے گرفتار کرلیا ہے ۔

پولیس ذرائع نے یہاں بتایاکہ اطلاع ملی تھی کہ مہند بارا گاﺅ ں کے ایک ٹھکانے پر ممنوعہ تنظیم کمیونسٹ پارٹی آف انڈیا ( سی پی آئی ماﺅنواز)کے کچھ نکسلی جمع ہوئے ہیں۔ اسی بنیاد پر پولیس نے مذکورہ ٹھکانے کے نزدیک گھیرا بندی کی۔ پولیس کو دیکھتے ہی نکسلیوں کی جانب سے گولیاں چلائی گئیں ۔ پولیس کی جانب سے کی گئی جوابی کاروائی میں ایک نکسلی گولی لگنے سے زخمی ہو گیا ۔

ذرائع نے بتایاکہ زخمی نکسلی کو گرفتار کرلیا گیا جبکہ اس کے دیگر ساتھ فرار ہو گئے۔

گرفتار نکسلی کی شناخت محمد اعجاز کے طور پر کی گئی ہے جسے پولیس کی حفاظت میں علاج کیلئے حاجی پور صدر اسپتال میں داخل کرایا گیا ہے ۔