جموں وکشمیر میں پہلی بار قومی شاہراہ عام لوگوں کے لیے بند

جموں وکشمیر میں حکام نے آج پہلی بار قومی شاہراہ عام لوگوں کے لیے بند کردی ہے تاکہ صرف سیکورٹی فورسز کی گاڑیاں سفر کرسکیں۔

وزارت داخلہ نے گزشتہ ہفتے ایک حکمنامہ جاری کیا تھا جس کے مطابق ہفتے میں دو دن سرینگر جموں شاہراہ پر صرف سکیورٹی کانوائز کو چلنے کی اجازت ہوگی۔

اس فیصلے کے خلاف عوام اور مقامی قیادت نے سخت ردعمل ظاہر کیا ہے۔

حکام کا کہنا ہے کہ یہ فیصلہ فروری میں لیتہ پورہ پلوامہ میں ہوئے خود کش حملے کے پس منظر میں اٹھایا گیا ہے۔ اس حملے میں 40 سے زائد سی آر پی ایف اہلکار ہلاک ہوگئے تھے۔