’کشمیر بھارت کا تاج ہے'

ضلع اننت ناگ میں نیشنل کانفرنس کی جانب سے کنونشن کا اہتمام کیا گیا جس میں پارٹی کے سینیئر رہنماؤں کے علاوہ جنوبی کشمیر کے متعدد کارکنان نے شرکت کی۔

کنونشن کے بعد ذرائع ابلاغ کے نمائندوں کے ساتھ بات کرتے ہوئے نیشنل کانفرنس کے سینیئر رہنما اور جنرل سیکریٹری علی محمد ساگر کا کہنا تھا کہ 'مسئلہ کشمیر سمیت سبھی مسائل کا حل مذاکرات میں مضمر ہے'۔

ساگر کا کہنا تھا کہ 'عسکریت پسندوں کو مارنے سے مسائل حل نہیں ہونگے، بلکہ امن اور مذاکرات سے سبھی مسائل حل ہو پائیں گے'۔

ان کا کہنا تھا کہ ’’کشمیر بھارت کا تاج ہے، کالونی نہیں، کشمیر بھارت کا حصہ ہے، اور اس حصے کے ساتھ خصوصی حیثیت وابستہ ہے۔‘‘

انہوں نے کہا کہ کشمیر کو خصوصی حیثیت بھارتی آئین نے دی ہے۔