دو منزلہ مخدوش عمارت کے چھت کا حصہ اچانک منہدم ہوگیا۔ اس حادثہ میں ایک لڑکی ہلاک، جبکہ دو افراد شدید طور سے زخمی ہوگئے ہیں۔
موصولہ اطلاعات کے مطابق رات تقریباً 11:45 بجے بھیونڈی شہر کے پدما نگر علاقے میں گنیش سنیما کے نزدیک گنگا یمنا نامی دو منزلہ عمارت کے فلیٹ نمبر 401/3 پہلی منزل پر امیش یناگندولا اپنی اہلیہ اسنیہا امیش یناگندولا اپنی دو بیٹیوں 11 سالہ ساکچھی امیش یناگندولا اور آٹھ سالہ پرگتی کے ساتھ عمارت میں کرائے پر رہائش پذیر تھا۔
رمیش کی اہلی اور دو ان کی بیٹی گھر پر سور ہی تھیں، جبکہ رمیش کہیں گیا ہوا تھا، اسی درمیان اچانک فلیٹ کی چھت کا حصہ منہدم ہوگیا اور اس حادثہ کے دوران گرنے والے عمارت کے ملبہ سے تینوں شدید طور سے زخمی ہو گئے۔
مقامی افراد نے راحت رسانی کر ملبہ سے زخمیوں کو باہر نکال کر ہسپتال لیجانے لگے لیکن موقع واردات پر ساکچھی کی موت ہوگئی۔ اس کی والدہ اسنیہا اور چھوٹی بہن پرگتی کو مقامی اندرا گاندھی ہسپتال میں داخل کرایا گیا ہے۔
مقامی افراد کے مطابق دو منزلہ عمارت 30 برس قبل تعمیر کی گئی تھی اور وہ مخدوش ہوچکی تھی۔ متاثرہ کا تعلق ریاست آندھراپردیش سے ہے۔