مرادآباد بلدیہ میں افطار پارٹی

اتر پردیش کے مرادآباد میں ہر سال کی طرح اس سال بھی بلدیہ کی جانب سے روزے داروں کو افطار کرایا گیا۔

بلدیہ مرادآباد کی افطار پارٹی میں سیکڑوں روزے داروں نے شرکت کی۔

دعوت افطار میں روزے داروں کے ساتھ غیر مسلموں نے بھی شرکت کرتے ہوئے گنگا جمنی تہذیب کا مظاہرہ کیا۔

اس موقع پر سنجے چوہان نے خطاب کرتے ہوئے کہا کہ افطار میں شرکت ان کےلیے باعث خوشی و مسرت ہے۔

امام سید فہد علی نے دعوت افطار کو گنگا جمنی تہدیب کا بہترین مظاہرہ قرار دیا۔

اس موقع پر ونود اگروال نے رمضان کی مبارکباد دی۔

دعوت افطار کے مقام پر نماز کا بھی انتظام کیا گیا تھا۔ روزہ داروں نے افطار کے بعد نماز ادا کی۔