عالمی کپ ٹیم میں محمد عامر کو جگہ مل پائے گی؟

پاکستان سلیکشن کمیٹی عالمی کپ کے پیش نظر فائنل ٹیم تیار کرنے کے مرحلے میں ہے لیکن کچھ سینئیر کھلاڑیوں نے سلیکشن کمیٹی کی مشکلوں میں اضافہ کر دیا ہے۔

پاکستان نے تیز گیندباز محمد عامر کو باصلاحیت اور کامیابی ہمکنار کرانے والا تسلیم کیا جاتا ہے۔انہوں اپنے دم پر پاکستان کو کئی میچ جتائے ہیں۔ لیکن ان کا موجودہ فارم ٹیم اور سلیکشن کمیٹی دونوں کے لیے باعث تشویش ہے۔

آسٹریلیا کے خلاف بھی ان کامظاہرہ قابل قدر نہیں رہا۔اسی سیریز میں پاکستان نے نوجوان تیز گیندباز محمد حسنین کو موقع دیا تھا۔حالانکہ حسنین کو زیادہ وکٹ تو نہیں مل سکے لیکن انہوں اپنی رفتار سے سبھی کو متاثر کیا۔آسٹریلیا کے بلے بازوں نے بھی ان کی تعریف کی۔اس کے علاوہ کوچ مکی آرتھر نے بھی انہیں بہترین گیندباز قرار دیا۔

پاکستانی کپ میں اب وہاب ریاض نے بھی شاندار مظاہرہ کرکے عامر کے لیے مشکلیں پیدا کر دی ہیں۔سلیکشن کمیٹی بھی اب اس پس و پیش میں ہے کہ عامر اور وہاب میں سے کس کو عالمی کپ کا ٹکٹ دیا جائے۔

عامر اس مقام پر کھڑے ہیں جہاں سے ان کو عالمی ٹیم میں جگہ بنا پانا کافی مشکل ہو گیا ہے۔