کرشمائی رہنما ہیں مودی :رجنی کانت

تمل فلموں کے سپراسٹار رجنی کانت نے لوک سبھا انتخابات میں بی جے پی کی زبردست فتح پر نریندرمودی کی تعریف کرتے ہوئے کہا کہ وہ نہرو اور راجیوگاندھی جیسے کرشمائی رہنما ہیں، وہ 30مئی کو دہلی میں نریندر مودی کی حلف برداری تقریب میں شامل ہوں گے۔

رجنی کانت نے آج میڈیا سے بات چیت کرتے ہوئے کہا کہ بی جے پی کی جیت مودی کے کرشمہ کی جیت ہے۔ انھوں نے کانگریس صدر راہل گاندھی کو استعفی نہ دینے کی صلاح دیتے ہوئے ان کے تئیں اظہار ہمدردی کیا اور کہا کہ پارٹی کے سینئر رہنماؤں کی طرف سے انتخابات میں انھیں تعاون نہیں ملا۔

سپر اسٹار نے کہاکہ راہل گاندھی کو صدر کا عہدہ چھوڑنے کے بجائے خود کو ثابت کرنا چاہئے ۔