ممتا بنرجی کے چھوٹے بھائی کی کورونا سے موت

مغربی بنگال کی وزیر اعلیٰ ممتا بنرجی کے چھوٹے بھائی بھی آج کورونا کے شکار ہو گئے۔ چند روز قبل وہ مثبت پائے گئے تھے جس کے بعد سے وہ کولکاتا کے ایک میڈیکل سوپر اسپیشالیٹی ہسپتال میں ڈاکٹر الوک رائے کی نگرانی میں زیر علاج تھے۔

مغربی بنگال کی وزیر اعلیٰ ممتا بنرجی کے چھوٹے بھائی اشیم بنرجی کی کورونا وائرس سے متاثر ہونے کے سبب 15 مئی کو موت ہوگئی۔ ذرائع کے مطابق کورونا وائرس سے متاثر ہونے کے بعد اشیم بنرجی کا کولکاتا کے غیر سرکاری ہسپتال میں علاج چل رہا تھا جہاں آج ان کی موت ہوگئی۔

بنگال میں کورونا کے کیسیز میں لگاتار تیزی سے اضافہ ہو رہا ہے۔ جہاں جمعہ کے روز ایک دن میں ہونے والے سب سے زیادہ معاملے درج کیے گئے، جمعہ کو20847 معاملے درج کیے گئے۔ کل تعداد اب تک 1094802 تک پہنچ چکی ہے۔ جب کہ اب تک مرنے والوں کی کل تعداد 12 933 تک پہنچ چکی ہے۔ صرف جمعہ کے روز کورونا سے مرنے والوں کی تعداد 136 تھی۔