تمام پارلیمانی حلقوں میں گزشتہ شام انتخابی مہم تھم چکی ہے، اب امیدوار محض گھر گھر جا کر تشہر کرسکیں گے۔
سرکاری اطلاعات کے مطابق آٹھ پارلیمانی سیٹوں میں بھوپال، ودیشا، ساگر، راج گڑھ، گنا، گوالیار، بھنڈ اور مرینا میں کل پولنگ ہوگی۔
خیال رہے کہ بھوپال پارلیمانی حلقے پر بھارتیہ جنتا پارٹی کی پرگیہ سنگھ ٹھاکر کا مقابلہ کانگریس کے دگ وجے سنگھ سے ہے۔
وہیں دوسری جانب ودیشا میں اہم مقابلہ بی جے پی کے رماکانت بھارگو اور کانگریس کے شیلیندر پٹیل کے درمیان ہے، ساگر میں کانگریس امیدوار بربھو سنگھ ٹھاکر اور بی جے پی کے راج بہادر سنگھ کے درمیان اور بھنڈ میں کانگریس کے دیوآشيش جراريا اور بی جے پی کی سندھیا رائے کے درمیان مقابلہ ہے۔
مرینا پارلیمانی حلقہ پر مرکزی وزیر نریندر سنگھ تومرن اور کانگریس کے رام نواس راوت آمنے سامنے ہیں، وہیں گوالیار میں اہم مقابلہ بی جے پی کے ودیک اور کانگریس کے اشوک سنگھ کے درمیان ہے۔
گنا پارلیمانی حلقہ پر کانگریس کے جیوتی رادتیہ سندھیا اور بی جے پی کے کے پی یادو آمنے سامنے ہیں، اسی طرح راج گڑھ میں کانگریس امیدوار مونا سستانی بی جے پی کے روڈمل ناگر کا مقابلہ کررہی ہیں۔
واضح رہے کہ ریاست میں 12 مئی کو ان پارلیمانی حلقوں کے بعد 19 مئی کو باقی آٹھ سیٹوں دیواس، اجین، اندور، دھار، مندسور، رتلام، كھرگون اور کھنڈوا میں پولنگ ہوگی، جس کے نتائج 23 مئی کو آئیں گے۔
