گینگ ریپ کیس میں رکن اسمبلی کا دباؤ

الور گینگ ریپ کیس کے پیش نظر کر جے پور میں 'دلت آدیواسی وکاس پریشد یونین' نے پریس کانفرنس کی۔

ریاست راجستھان کے دارالحکومت جےپور میں الور گینگ ریپ معاملے پیش نظر جس طرح سے سیاست کی جارہی ہے وہ ان لوگوں کو محتاط کرنا چاہتے ہیں کہ وہ ایسا نہ کریں۔

دلت آدیواسی وکاس پریشد کے صدر سرون کمار نے جے پور میں صحافیوں سے بات چیت کے دوران کہا کہ جس طرح سے سابق وزیراعلی وسندھرا راجے بیان بازی کررہی ہیں، وہ ریاست میں خواتین کے لیے شرمناک ہے۔

انہوں نے سابق رکن اسمبلی ہیم سنگھ بھڑانہ پر الزام لگاتے ہوئے کہا کہ بھڑانہ گینگ ریپ کی متاثرہ خاتون کے اہل خانہ پر پیسے کا دباؤ بناکر معاملہ رفع دفع کرنے کی بات کہہ رہے ہیں۔

انہوں نے مزید کہا کہ گزشتہ حکومت میں بھی زیادہ تر اس طرح کے معاملے سامنے آئے تھے، لیکن ابھی تک کسی طرح سے کوئی کاروائی نہیں کی گئی ہے۔