کولکاتا نائٹ رائڈرز کے کپتان دنیش کارتک نے گذشتہ چارمیچ میں شکست کے ساتھ 9 میچوں میں محض چارپوائنٹز حاصل کیے ہیں اور وہ چھٹے نمبر پر بنے ہوئے ہیں۔
آئی پی ایل کے ایک 'مائے فرسٹ' نام کے ایک سیگمنٹ میں دنیش کارتک نے اپنی زندگی سے متعلق کچھ دلچسپ باتیں بتائیں۔
ان سے پوچھا گیا کہ وہ پہلی بار کرکٹ کے میدان پر کب اترے تھے؟
اس پر ان کا جواب تھا ' 8 برس کی عمر میں ۔'
اس دوران انہوں نے کہا کہ مجھے پہلی تنخواہ انڈر 16 کرکٹ میں ملی تھی۔ جسے میں نے اپنی والدہ کے حوالے کر دیا تھا۔ اس کے علاوہ دنیش کارکت نے بتایا کہ پہلی سینچری میں نے اسکول کرکٹ میں لگائی تھی اور والدین کے پیسوں سے پہلا بلہ خریدا تھا۔ انہوں نے ملک کے لیے اپنے پہلے میچ کو اہم قرار دیا۔