اساتذہ پر چنار کے درختوں کو کاٹنے کا الزام

کولگام کے دو اسکولی اساتذہ پر غیر قانونی طور پر چنار کے درختوں کو کاٹنے کا الزام لگایا گیا ہے۔

اس کی اطلاع ملنے کے بعد تحصیل دار کولگام شبیر احمد نے بر وقت کاروائی کرتے ہوئے دونوں اسکولوں کے 26 اساتذہ کے خلاف معطل کر نے کی سفارش کردی۔

وہی دوسری طرف دونوں اسکول گورنمنٹ ہائی سکول نیلو اور گور نمنٹ ہائی سکول بہی باغ کولگام کے اساتذہ کا کہنا ہے کہ ہم لوگوں نے اپنے فائدے کے لیے نہیں کاٹے بلکہ یہاں پر پڑ رہے بچوں کے جانوں کی حفاظت کا معاملہ تھا۔

انہوں نے کہا کہ ہم نےکئی بار اعلیٰ حکام سے اپیل کی تھی کہ ہمارے اسکول کے احاطے سے بجلی کی ہائی ٹیشن لائن کے ساتھ چند چنار کے درختوں کی شاخیں لگی ہوئی ہیں ،جو طلبا کے خطرہ ہے۔

جس سے کبھی بھی بڑا حادثہ پیش آسکتا ہے، جب بھی بارش ہوتی ہے تو یہاں پر کرنٹ کا خطرہ لاحق ہوتا ہے ،جبکہ گذشتہ سال چند اسکول کے بچےکرنٹ لگنے سے بے ہوش بھی ہوگئے تھے۔