کشتواڑ: دریا میں ڈوب کر ایک شخص ہلاک

ریاست جموں کشمیر میں پہاڑی ضلع کشتواڑ کے اندروال علاقے میں ایک شخص دریا میں ڈوب گیا۔

نمائندے کے مطابق کشتواڑ کے اندروال علاقے میں اس وقت کہرام مچ گیا جب گرداری لال نامی ایک شخص روزانہ کی طرح دریا کنارے بالن پکڑنے گیا اور پانی کے تیز بہائو میں توازن کھو کر ڈوب گیا۔

واقعے کی خبر سن کر گرچہ مقامی باشندے جاے واردات پر پہنچ گئے تاہم گرداری لال کا کچھ پتہ نہ چل سکا، اور دریا کنارے صرف اسکے کپڑے اور موبائل فون برآمد کئے گئے۔

مقامی باشندوں کو دریا کے تیز بہائو میں گرداری لال کے زندہ ہونے کے کوئی امید نہیں۔

قابل ذکر ہے کہ چند روز قبل کشتواڑ کے ہی بھنڈار کوٹ علاقے میں سیلفی لیتے ہوئے وقت ایک نوجوان کا پائوں پھسل کر دریا میں جا گرا اور دوسرے دن اسکی لاش دریا سے بازیاب کی گئی تھی۔