پولیس کی اسپیشل انویسٹی گیشن ٹیم (ایس آئی ٹي) نے دہلی کے پشپاوتي سنهانيا ریسرچ انسٹی ٹیوٹ (پی ایس آر آئی ) ہسپتال کے سی ای او ڈاکٹر دیپک شکلا کو گرفتار کیا ہے.
گردہ ٹرانسپلانٹ کرنے والا گروہ بے نقاب ديپک شکلا پر اس غیر قانونی کام میں اہم کرادار ادا کرنے کا الزام ہے۔
پولیس نے اس آی ٹي کی مدد سے کانپور میں 17 فروری کو گردے ٹرانسپلانٹ کرانے والے بین الاقوامی گروہ کے ارکان کو پکڑا تھا جس کے بعد پی ایس آر ائی ہسپتال کے سی ای او ڈاکٹر دیپک شکلا کا نام سامنے آیا تھا۔
اس کیس میں پولیس نے اب تک کانپور، دہلی، لکھنؤ، کولکتہ جیسے بڑے شہروں سے 10 ملزموں کو اپنی گرفت میں لیا ہے۔
واضح رہے کہ گردے سمیت جسم کے دیگر اعضاء کو غیر قانونی طریقے سے ٹرانسپلانٹ کرانے والے بین الاقوامی گروہ کا پولیس نے 17 فروری کو كدوي نگر علاقہ کی ایک خاتون کی شکایت کے بعد اس کا پردہ فاش کیا تھا۔
ابتدائی تحقیقات میں ہی سرغنہ ٹی راج کمار راؤ اور گورو مشرا سمیت 6 افراد کو گرفتار کیا گیا اور ان کے قبضے سے ملے دستاویزات کی بنیاد پر تحقیق شروع ہوئی تو اس گروہ کی گہری جڑیں سامنے آئیں۔
اس کیس میں دہلی کے کئ بڑے ہسپتالوں کے ملوث ہونے کے ثبوت بھی ملے اس کے بعد پولیس نے گروہ کے 4 اور لوگوں کو پکڑ کر جیل بھیجا تھا۔
یہ گروہ معصوم لوگوں کو بہلا پھسلا کر اور پیسے کا لالچ دیکر انکا اعضاء نکال کر ضرورت مند افراد کو منہ مانگی رقم پر بیچ دیا کرتا تھا۔
گینگ کے افراد ضرورت مند مریض کو جسم کا اعضاء لگانے کے لیے ایک اور جرم یہ کرتے تھے کہ کسی بھی مریض کو قانونی طور پر اعضاء کا عطیہ صرف گھر کا قریبی فرد ہی عطیہ کرنے سکتا ہے اس لیے بھلا پھسلا کرلالچ دیکر لایا گیا انسان کو ضرورت مند مریض کا قریبی دکھانے کے لیے فرضی آدھار کارڈ ، راشن کارڈ اور پاسپورٹ وغیرہ کے دستاویز بھی تیار کرتے تھے۔
