جموں سرینگر قومی شاہراہ بند، مسافر پریشان

مسلسل ہونے والی بارش اور بھاری پسیاں گرنے کی وجہ جموں سرینگر قومی شاہراہ گذشتہ روز سے آمدورفت کے لیے بند ہے۔

نمائندے کے مطابق جموں سرینگر قومی شاہراہ پر پسیاں گرنے کے باعث شاہراہ کو گاڑیوں کی آمدورفت کیلئے بند کر دیا گیا۔
سینکڑوں گاڑیاں پتنی ٹاپ، بانہال، رامبن اور جواہر ٹنل کے قریب کھڑی ہیں۔

ای ٹی وی بھارت کے نمائندے نے درماندہ مسافروں سے بات کی تو ان کا کہنا ہے کہ انتظامیہ کی طرف سے کوئی بھی انتظام نہیں کیا جارہا ہے۔

مسافروں نے الزام عائد کیا کہ ’ادھر نا ہی واش روم ہے اور نا ہی پینے کا پانی دستیاب ہے جس کی وجہ سے ہمیں شدید مشکلات کا سامنا کرنا پڑ رہا ہے‘۔

مسافروں نے وزیر اعظیم نریندر مودی سے اپیل کی ہے کہ جموں کشمیر کی سڑکوں کو بہتر بنایا جائے تاکہ مسافروں کو مشکلات کا سامنا نہ کرنا پڑے۔