ریلائنس جیو کو چوتھے سہ ماہی میں 840 کروڑ کا منافع

ریلائنس جیو نے جمعرات کو اعلان کیا کہ 31 مارچ کو ختم ہونے والے سہ ماہی کے دوران کمپنی کو 840 کروڑ روپئے کا فائدہ ہوا ہے۔ اسی طرح ریلائنس انڈسٹریز کو اسی مدت کے دوران 64.7 فیصد اضافہ کے ساتھ 510 کروڑ روپئے کا منافع دیکھا گیا۔

جمعرات کو ریلائنس جیو کی جانب سے جاری کردہ ریگولیٹیری میں بتایا گیا کہ سال 2018-19 میں کمپنی کو 2964 کروڑ روپئے کا فائدہ ہوا۔ جبکہ 2017-18 میں 723 کروڑ روپئے کا منافع ہوا تھا۔

کمپنی نے ایک بیان میں کہا کہ 31 مارچ کو ختم ہونے والے چوتھے سہ ماہی میں 9.8 فیصد اضافہ کے ساتھ 10360 کروڑ روپئے منافع ہوا۔

ریلائنس انڈسٹریز کے چیرمین مکیش امبانی نے کہا کہ ہم 300 ملین گاہکوں کی خدمت کررہے ہیں جس پر ہمیں فخر ہے۔

انہوں نے کہا کہ جیو دنیا کا سب سے بڑا نیٹ ورک ہے اور ہمارا مقصد ہے کہ ہم ملک بھر میں پھیلے ہوئے ہمارے گاہکوں کو معیاری خدمات مہیا کریں۔