جموں و کشمیر کے گورنر کا ٹویٹر ہینڈل ہیک

ریاست جموں و کشمیر کے گورنر ستیہ پال ملک کا ٹویٹر ہینڈل ہیک کیا گیا تھا جس میں اس کو پاکستان کے وزیراعظم عمران خان کا فالوور دکھایا گیا۔

تاہم سرکاری ترجمان کے مطابق جوں ہی اس واقعے کی تصدیق ہوئی تو فوراً ہیک کیے گئے ہینڈل کو بحال کیا گیا اور عمران خان کو اَن فالو کیا گیا۔

ترجمان نے کہا کہ یہ واقعہ ریاستی پولیس کی نوٹس میں لایا گیا ہے اور انہیں اس معاملے میں کارروائی کرنے کا حکم دیا گیا ہے۔