اسرائیل نے متحدہ عرب امارات کے لئے 'شدید' سفری انتباہ جاری کیا

اسرائیلی وزارت صحت نے کووڈ 19 کے پھیلاؤ کے خدشات پر متحدہ عرب امارات (یو اے ای) کے لئے "شدید" سفری انتباہ جاری کیا ہے۔ سنہوا نیوز ایجنسی کی رپورٹ کے مطابق، دونوں ممالک کے مابین ستمبر 2020 میں معمول کے معاہدے پر دستخط کیے جانے کے بعد سے متحدہ عرب امارات اسرائیلی سیاحوں کے لئے سب سے مقبول مقام بن گیا ہے۔

متحدہ عرب امارات کے علاوہ اس وقت اسرائیل کی جانب سے 10 سے زائد ممالک کو "شدید" سفری انتباہات کیے گئے ہیں۔ وزارت نے بدھ کے روز انتباہ دیا تھا کہ اگر ان ممالک میں صورتحال بہتر نہیں ہوتی ہے تو وہ اسے اُن ممالک کی فہرست میں شامل کرسکتے ہیں، جہاں اسرائیلیوں کو سفر کرنے سے روک دیا گیا ہے۔ واضح رہے کہ اسرائیل پہلے ہی چھ ممالک کے سفر پر پابندی عائد کرچکا ہے، جس میں ارجنٹائن، برازیل، جنوبی افریقہ، بھارت، میکسیکو اور روس شامل ہیں۔

اسرائیلی شہری اور مستقل رہائشی جن چھ مقامات پر سفر کرنا چاہتے ہیں انہیں مستثنیٰ کمیٹی میں درخواست دینی ہوگی۔ ان ممالک سے اسرائیل پہنچنے والے تمام مسافروں کو قرنطین میں جانا ہوگا۔ ان میں وائرس کے ٹیکے لگائے گئے اور بازیاب افراد بھی شامل ہیں۔ دوسری جانب، وزارت نے پیرو کے لئے "شدید" سفری انتباہ کو ہٹادیا۔