ممتا کےقریبی چار آئی پی ایس افسران کے تبادلے

الیکشن کمیشن نے مغربی بنگال کی وزیر اعلیٰ ممتا بنرجی کے قریبی تصور کیے جانے والے چارآئی پی ایس افسران کا گذشتہ شب تبادلہ کردیا ۔

انوج شرما کے علاوہ کمیشن نے تین اور پولیس افسران کا تبادلہ کردیا اور ریاستی سرکار کو حکم دیا ہے کہ جن چار افسران کا تبادلہ ہوا ہے۔ انہیں الیکشن سے متعلق کوئی ذمہ داری نہیں دی جائے۔ مغربی بنگال کے چیف سکریٹری ملیے ڈے کے نام تحریر خط میں الیکشن کمیشن نے کہا کہ تبادلے کا حکم فوری طور سے نافذ ہوگیا ہے۔

بہر حال الیکشن کمیشن نےودھان نگر کی کمشنر گیان ونت سنگھ ۔ڈائمنڈ ہاربر کے ایس پی سیلو مورگن ۔بیر بھوم کے ایس پی شیام سنگھ کا ٹرانسفر کیا گیاہے۔

جبکہ آلودگی کنٹرول بورڈ کے اے ڈی جی کو کولکاتا کا نیا کمشنر بنایا گیا ہے۔ آئی جی پی نٹراج رمیش بابو کو ودھان نگر کا پولیس کمشنر جبکہ ودھان نگر کے ڈی سی رویندر ناتھ کوبیر بھوم کا ایس پی ،تھرڈ بٹالین کا کے ڈی سی ہری پانڈے کو ہربر کا ایس پی بنایا گیا ہے۔