مولانا یعسوب عباس سے خاص بات چیت

آل انڈیا شیعہ پرسنل لا بورڈ کے ترجمان نے ای ٹی وی بھارت سے خصوصی بات چیت کے دوران کہا کہ ہمیں تعلیم پر خاص توجہ دینی چاہیے۔

بی جے پی کے رہنما مختار عباس نقوی نے کہا کہ حکومت مسلمانوں کی ترقی کے لیے فکر مند ہے، یہی وجہ ہے کہ مدارس کی تعلیم میں ان پانچ برسوں میں پوری توجہ دی جائے گی، جس کا اقدام کا تمام لوگوں نے خیر مقدم کیا ہے۔

آل انڈیا شیعہ پرسنل لا بورڈ کے ترجمان مولانا یعسوب عباس نے ای ٹی وی بھارت سے خصوصی بات چیت کے دوران کہا کہ بی جے پی حکومت کے اس قدم کا ہمیں خیرمقدم کرنا چاہیے۔

انہوں نے کہا کہ ابھی تک جتنی بھی حکومتیں آئیں ہیں، انہوں نے مسلمانوں کے لیے کوئی بہتر کام نہیں کیا، جس کی وجہ سے سماج ترقی کی جانب گامزن ہوسکے۔

مولانا عباس نے مسلم رہنماؤں پر الزام عائد کرتے ہوئے کہا کہ حکومت کی جانب سے جو بھی فلاح و بہبود کی سکیمز مسلم سماج کے لیے آتی تھیں، ان سکیمز کو یہ لوگ سماج کی فلاح کے لیے استعمال نہیں کرتے۔

انہوں نے کہا کہ مسلمان اپنے کردار کو اتنا بلند کر لیں کہ کوئی بھی انہیں نظر انداز نہ کرسکے۔

انہوں نے کہا کہ جچھ تو بات ہوگی جو آج بھی پورا ملک اے پی جے عبدالکلام کو یاد کرتا ہے۔