گرمی کی شدت سے مریضوں کی تعداد میں اضافہ

راجستھان میں گرمی کی شدت کی وجہ سے دن بہ دن مریضوں کی تعداد میں اضافہ ہوتا جارہا ہے۔

حال ہی میں گرمی کی شدت سے ریاست کے دارالحکومت جئے پور کے ایس ایم ایس ہسپتال میں مریضوں کی زبردست بھیڑ دیکھنے کو مل رہی ہے۔

ہسپتال کے ڈاکٹروں نے لوگوں کو متنبہ کرتے مشورہ دیا کہ وہ پانی کا زیادہ سے زیادہ استعمال کریں، لو سے ہر ممکن بچنے کی کوشش کریں اور دھوپ میں نہ نکلیں۔

ڈاکٹروں کے مطابق عام دنوں کے مقابلے گرمی کے ان دنوں میں موسم کافی تیزی سے بدل رہا ہے، جس سے اسپتال کے او پی ڈی میں مریضوں کی تعداد میں اضافہ ہوتا جارہا ہے۔ اس گرمی کے موسم میں زیاہ تر مریض الٹی اور دست کے مریض ہی ہسپتال میں دیکھے جارہے ہیں۔

واضح رہے کہ راجستھان میں درجہ حرارت 50 ڈگری سیلسیس کو پار کرچکا ہے۔