آصف علی زرداری گرفتار

پاکستان پیپلز پارٹی (پی پی پی) کے شریک چیئرمین آصف علی زرداری اور ان کی بہن فریال تالپور کو اسلام آباد ہائی کورٹ نے مستقل طور سے ضمانت دینے سے انکار کیا جس کے بعد آصف علی زرداری کو گرفتار کرلیا گیا۔

قومی احتساب بیورو (نیب) نے اسلام آباد ہائی کورٹ کی اجازت کےبعد فرضی کھاتہ معاملے میں سابق صدر اور پاکستان پیپلز پارٹی کے شریک چیئرمین آصف علی زرداری کو گرفتار کرلیا۔

عدالت کی اس اجازت کے بعد نیب کے افسران اسلام آباد میں واقع زرداری کی رہائش گاہ پہنچے اور انہیں گرفتار کرلیا۔

اسلام آباد ہائی کورٹ نے آج ہی زرداری اور ان کی بہن فریال تالپور کو اس وقت زبردست جھٹکا دیا جب عدالت نے دونوں کی مستقل ضمانت کی عرضی خارج کرتے ہوئے انفورسمنٹ ڈائرکٹوریٹ ایجنسیوں کو دونوں کو گرفتار کرنے کی اجازت دے دی۔

جسٹس عامر فاروق اور جسٹس محمد اختر کیانی کی بنچ فرضی کھاتہ معاملے میں دونوں کی مستقل ضمات کی عرضی کی سماعت کی تھی۔

یہ معاملہ مبینہ فرضی کھاتوں کے ذریعہ سے دونوں رہنماؤں کی نجی کمپنیوں کے ساتھ لاکھوں کے لین دین سے جڑا ہے۔

زرداری کو گرفتار کرنے سے پہلے نیب کی افسران نے قومی اسمبلی کے اسپیکر کو اس کی اطلاع دی تھی۔