'بی جے پی اقتدار میں آئی تو لوگوں کے نام ووٹر لسٹ سے خارج کردے گی'

مدنی پور میں تشہیری مہم سے خطاب کرتے ہوئے وزیر اعلیٰ ممتا بنرجی نے بی جے پی پر تنقید کرتے ہوئے فسادیوں کی جماعت قرار دیا اور اس پر ووٹ کے لیے روپے تقسیم کرنے کا الزام عائد کیا۔

مدنی پور میں ایک ریلی سے خطاب کرتے ہوئے ترنمول کانگریس کے سپریمو نے دعویٰ کیا کہ بی جے پی قائدین انتخابات سے قبل باہر سے ہیلی کاپٹروں اور طیاروں سے یہاں پہنچ رہے ہیں اور ووٹ لوٹنے کے لیےروپے تقسیم کر رہے ہیں۔ انہوں نے کہا کہ اس ایک دو واقعات کو چھوڑ کر ہم عوام کے ساتھ شانہ بشانہ کھڑے رہے ہیں۔ انہوں نے بی جے پر تنقید کرتے ہوئے کہا کہ بی جے پی لیڈران اس وقتکہاں تھے جب عوام پریشانیوں میں مبتلا تھے۔

ممتا بنرجی نے کہا کہ اگر ترنمو ل کانگریس اقتدار میں واپس آئی تو بنگال میں این پی آر نافذ نہیں ہونے دیا جائے گا۔ کسی بھی خاندان، کسی بھی فرد اور کسی بھی ایک شہری کو ملک سے بے دخل نہیں کرنے دیا جائے گا۔

ترنمول کی سربراہ نے کہا کہبی جے پی فسادیوں کی جماعت ہے۔ انہوں نے کہا کہ ہم بنگال میں تشدد نہیں چاہتے ہیں، ہم خون ریزی نہیں چاہتے ہیں اور ہم بنگال میں انتقام کی سیاست کی اجازت نہیں دیں گے'۔

ممتا بنرجی نےکہا کہ بی جے پی اقتدار میں آئی تو لوگوں کے نام ووٹرس لسٹ سے خارج کردے گی۔ بی جے پی کا مقصد ایک خاص طبقے کو این پی آر کے رجسٹرڈ سے باہر نکالنا ہی مقصد ہے۔

یواین آئی