پاکستان- جنوبی افریقہ میچ: مورس کا سات گیندوں کا اوور

عالمی کپ -2019کے ایک اہم میچ میں پاکستان کے خلاف جنوبی افریقی آل راؤنڈرکرس مورس کی جانب سے سات بال کا اوور کرنے کا انکشاف ہوا ہے۔

پاکستان سے گزشتہ اتوار کو کھیلے گئے میچ میں جنوبی افریقی کے آل راؤنڈر کرس مورس کی جانب سے سات بال کا اوور کرنے کا انکشاف ہوا ہے۔ فیلڈ امپائرز کماردھرم سینا اور جوئیل ولسن کی جانب سے گیندیں گننے میں غلطی ہوئی۔ ایسا 14 ویں اوور میں ہوا جب امام الحق اور فخر زمان بیٹنگ کررہے تھے۔ خوش قسمتی سے اس اضافی ساتویں بال پر پاکستان کی جانب سے کوئی رن بنا اور نہ ہی پروٹیز کو وکٹ ملی۔

کرکٹ قانون 17.5 کے مطابق اگر امپائر سے گیندیں گننے میں غلطی ہو تو وہ اوور ویسا ہی رہے گا،اضافی گیند پر وکٹ یا رنز کھیل کی قسمت ہوگی۔