حیدرآبادی حلیم کی بنگلور میں دھوم

حیدرآباد کی مشہور ڈش حلیم، شہر بنگلور میں کافی مقبولیت حاصل کر رہی ہے۔

رمضان المبارک کے مقدس ماہ کی آمد کے ساتھ ہی ملک بھر کے بازاروں میں رونق بڑھ گئی ہے اور روزہ دار افطار کے بعد حیدرآبادی حلیم اور بریانی کھانے کو پسند کرتے ہیں۔

حلیم کو نہ صرف مسلمان پسند کرتے بلکہ دوسرے مذہب کے لوگ بھی بڑے شوق سے کھاتے ہیں۔ پہلے بنگلور کے لوگ حلیم کو فلائٹ کے ذریعہ منگواتے یا پھر حلیم کھانے کے لیے خود حیدرآباد کا سفر کرتے تھے لیکن اب بنگلور میں ہی حیدرآبادی حلیم کئی مقامات پر دستیاب ہے جو شائقین کےلیے بہت اچھی بات ہے۔

کچھ سالوں سے حلیم بنگلور میں دستیاب ہورہی ہے اور ہر سال کی طرح اس بار بھی شہریان بنگلور کےلیے ذائقہ دار حلیم کئی مقامات پر مل رہی ہے۔ ہر سال حلیم کی مانگ میں اضافہ ہو رہا ہے۔

بنگلور میں خاص طور پر حیدرآبادی خانسامانوں کے ذریعہ حلیم بنائی جارہی ہے اور اس میں استعمال ہونے والے مسالوں کو بھی حیدرآباد سے ہی منگوایا جارہا ہے۔

حلیم کے شیدائی رمضان کا انتظار کرتے ہیں تاکہ اس مہینہ میں وہ بڑے مزے سے حلیم کے ذائقہ سے لطف اندوز ہوسکتے ہیں۔

حیدرآبادی حلیم وینڈرس نے شہر بنگلور کے مختلف علاقوں میں اپنے آوٹ لیٹس لگائے ہیں جہاں سے لوگ حلیم حاصل کرسکتے ہیں جبکہ جدید ٹیکنالوجی سے اب حیدرآبادی حلیم، بریانی اور خوبانی کا میٹھا ایپ کے ذریعہ آن لائن آنلائن منگوا سکتے ہیں۔

بنگلور میں حیدرآبادی حلیم کی قیمت فی 300 گرام 190 روپیہ اور 1.5 کلوگرام 800 روپے میں ہے۔