بنگال میں ملازمین کی بھوک ہڑتال جاری

جلپائی گوڑی کے آنند چند کالج کے ملازمین کئی دنوں سے اپنی مانگوں کو لے کر بھوک ہڑتال پر بیٹھے ہوئے ہیں.

مغربی بنگال کے جلپائی گوڑی میں واقع آنند چند کالج کے ملازمین نے مستقل ملازمت کے مطالبے پر بھوک ہڑتال پر بیٹھ گئے.

مستقل ملازمت کے مطالبے پر بیٹھے غیرمستقل ملازمین میں چار افراد کی طبعیت بگڑ گئی. چاروں افراد کو ہسپتال میں داخل کرایا گیا.

ویسٹ بنگال کیسول ایمپلائز سمیتی کا کہنا ہے کہ آنند چند کالج کے ملازمین گزشتہ 24 دنوں سے مستقل ملازمت کے مطالبے کو لے کر بھوک ہڑتال پر بیٹھے ہوئے ہیں.

انہوں نے کہا کہ بھوک ہڑتال پر بیٹھنے والوں میں سے چار افراد کی حالت بگڑ گئی ہے.

چاروں افراد کو جلپائی گوڑی ہسپتال میں داخل کرایا گیا جہاں ایک کی حالت نازک بتائی گئی ہے.

جلپائی گوڑی کالج کیسول ایمپلائز سمیتی کے صدر اتم شرما کا کہنا ہے کہ جب تک غیر مستقل ملازمین کو مستقل ملازمت دینے کا اعلان نہیں کیا جاتا ہے اس وقت تک بھوک ہڑتال جاری رہے گی.