تین منزلہ عمارت خاکستر

ریاست جموں و کشمیر کے ضلع رامبن کے تحصیل اکھڑال میں آگ کی ہولناک واردات میں ایک تین منزلہ عمارت مکمل طور خاکستر ہوگئی ہے۔

پولیس ذرائع کے مطابق ضلع رامبن کے تحصیل اکھڑال مارکیٹ کے نزدیک آج شام قریب 8 بجے رگھبیر سنگھ ولد رسیلا رام کے رہائشی مکان کو شارٹ سرکٹ کی وجہ سے آگ لگی اور دیکھتے ہی دیکھتے مکان خاکستر ہوگیا۔

مقامی لوگ بچاؤ کاروائی کر کے مکینوں کو بچانے میں کامیاب ہوئے۔

مقامی لوگوں نے کہا کہ اگر فائر سروس کی گاڑی بر وقت کاروائی کرتی تو اتنا نقصان نہیں ہوتا۔

واضح رہے 2001 میں آگ کی بھیانک واردات میں تین افراد جن میں دو کمسن بچے جھلس کر ہلاک ہو گئے تھے۔