ہندو مہاسبھا کے ریاستی صدر ابھیشیک اگروال نے ذرائع ابلاغ سے بات کرتے ہوئے مزید کہا کہ موجودہ حکومت ہندووں کے تحفظ میں ناکام ثابت ہوئی ہے۔
انہوں نے بی جے پی پر الزام لگاتے ہوئے کہا کہ حکومت فوج پر دباؤ بنائے ہوئے ہے۔ جس کی وجہ سے فوج آزادانہ ماحول میں کام نہیں کرپاتی ہے اور مجبوراً جوانوں کی جانیں ضائع ہوتی ہے۔ میرٹھ کے میجر کیتن شرما کی شہادت اس کی تازہ مثال ہے۔
حکومت ہند کو کھلا خط بھیجتے ہوئے ہندو مہا سبھا نے کہا کہ نہ تو مرکزی حکومت ہمارے جوانوں کا تحفظ کر پا رہی ہے اور نہ ہی انتخابی منشور میں عوام سے کئے گئے وعدے پورے کیے جا رہے ہیں۔
انہوں نے مطالبہ کیا کہ امر ناتھ یاترا پر جانے والے عقیدت مندوں کے تحفظ کے لیے انہیں نئی تکنیک سے لیس ہتھیار جیسے گن مشین، ہینڈ گرینیڈ سے مسلح کیا جائے۔
انہوں نے یہ بھی الزام لگایا کہ وزیراعظم نریندر مودی عالمی لیڈر بننے کے خواہشمند ہیں اس لیے جموں کشمیر میں علحیدگی پسندوں رہنماؤں کی سکیورٹی کم کرنے کی بات محض دکھاوا تھی۔