دہلی حکومت کو ہائی کورٹ کا نوٹس

جمعہ کے روز ایک عرضی پر سماعت کے دوران دہلی ہائی کورٹ نے دہلی حکومت کو نوٹس جاری کیا ہے۔

ہائی کورٹ میں دائر درخواست میں دہلی کے شیلٹر ہومز میں رہنے والے بے گھر افراد کو ناشتہ سمیت دن میں تین بار غذائیت سے بھرپور کھانا مہیا کرنے کا مطالبہ کیا گیا ہے۔

اس کے علاوہ درخواست میں بے گھر افراد کے لئے ترجیحی بنیادوں پر شیلٹر ہوم میں ویکسینیشن کیمپ لگانے کا مطالبہ کیا گیا ہے۔ دہلی ہائی کورٹ نے دہلی حکومت کو اس درخواست کے حوالے سے نوٹس جاری کیا ہے۔

واضح رہے کہ حکومت نے کورونا وبا کی وجہ سے لاک ڈاؤن کے سبب گزشتہ برس کی طرح اس سال بھی غریبوں کے لیے مفت کھانا فراہم کرنے کا اعلان کیا ہے۔