نوح: 59 برس کے عابد حسین کو ویٹ لفٹنگ میں سلورمیڈل

ریاست ہریانہ کے 59 برس کے عابد حسین نے آسٹریلیا میں ویٹ لفٹنگ چیمپئن شپ میں سلور میڈل حاصل کر کے ملک اور ضلع کا نام روشن کیا ہے۔

ہریانہ کے نوجوانوں کے بعد اب ہریانہ کے بزرگوں نے بھی اپنی طاقت کا ایک نمونہ پیش کیا ہے۔

نوح کے ایک عمر دراز کھلاڑی عابد حسین نے آسٹریلیا میں منعقد ویٹ لفٹنگ چیمپئن شپ میں سلور میڈل حاصل کیاہے۔میڈل جیت کر اپنے وطن گھر لوٹنے پر59 برس کے عابد کا پرجوش استقبال کیا گیا۔عابد نوح کے ایک سرکاری پرائمری اسکول میں ٹیچر ہیں۔ کھلاڑی نے 14 سے 16 جون تک آسٹریلیا مین منعقد کامن ویلتھ پیسیفک ماسٹر ویٹ لفٹنگ چیمپئن شپ میں حصہ لیا۔عابد نے 55۔59 عمر گروپ میں 81 کلو گرام وزن زمرے میں (کلن اینڈ جرک) 155 کلوگرام وزن اٹھاکر سلور میڈل جیتا۔ قابل ذکر ہے کہ عابد حسین پہلے بھی ملک اور ریاست مین بھی منعقد ہونے والی ویٹ لفٹنگ مقابلہ میں میڈل جیت چکے ہیں۔