سوپور تصادم میں دو عسکریت پسند ہلاک

ریاست جموں و کشمیر کے ضلع بارہمولہ کے سوپور قصبے کے ڈانگرپورہ علاقے میں عسکریت پسندوں اور سکیورٹی فورسز کے درمیان تصادم میں دو عسکریت پسندوں کے ہلاک ہونے کی اطلاع ہیں۔

سرکاری طور پر اب تک کسی بھی عسکریت پسند کی ہلاکت کی تصدیق نہیں ہوئی ہے۔

پولیس ذرائع کے مطابق فوج کو ڈانگرپورہ علاقے میں عسکریت پسندوں کے چھپے ہونے کی اطلاع موصول ہوئی تھی جس کے بعد علاقے کو محاصرے میں لیا گیا اور تلاشی کارروائی شروع کی گئی۔

تلاشی کارروائی کے دوران عسکریت پسندوں نے فوج پر فائرنگ کی جس کے بعد فائرنگ کا تبادلہ شروع ہوگیا۔

ضلع میں تمام راستوں کو سیل کر دیا گیا ہے۔ اس دوران حکام نے ضلع میں انٹرنیٹ سروس بھی معطل کر دی ہے۔

مزید تفصیلات کا انتظار ہے۔