گلبرگہ: عید میلاد النبی کے جلوس پر پابندی

ڈپٹی کمشنر گلبرگہ واسو ریڈی وجنا جیوتسنا نے عید میلاد النبی کے جلوس سے متعلق ایک سرکلر جاری کیا ہے.

ریاست کرناٹک کے گلبرگہ ضلع میں ڈپٹی کمشنر واسو ریڈی وجنا جیوتسنا نے گلبرگہ شہر ضلع کے مختلف مقامات میں 12 ربیع الاول کو عید میلاد النبی کے موقع پر نکالے جانے والے میلاد کے جلوسوں پر روک لگا دی ہے.

سرکلر میں ڈپٹی کمشنر گلبرگہ نے واضح کیا ہے کہ کووڈ 19 احتیاطی تدابیر کے پیش نظر میلاد کے جلوس نہ نکا لے جائیں اور نہ ہی عوامی مقامات پر ہجوم کی شکل میں اکٹھا ہوکر کسی قسم کی سرگرمیوں کا اہتمام کیا جائے.

انہوں نے کہا ہے کہ گلیوں اور محلوں میں بھی رات اور دن کے اوقات میں میلاد کی اجتماعی محفل بھی منعقد نہ کئے جائیں. مساجد، درگاہوں میں کووڈ19 کے حفاظتی تدابیر کی سختی سے پابندی کرنا لازمی ہوگا. عوامی مقامات پر لاوڈ اسپیکر، ڈیجیٹل ساونڈ ڈی جے کے استعمال پر بھی پابندی رہے گی.